Мады ном кадимæ! Ноябры фæстаг хуыцаубоны Уæрæсейы бæрæг кæнынц мады бон

Уый фæдыл Æрыдоны 10-æм  рæвдауæндоны сарæзтой зæрдæмæдзæугæ мадзал. Æрбахуыдтой йæм сывæллæтты ныййарджыты. Сабитæ зæрдиагæй сæ ныййарджытæм фæхæццæ кодтой сæ уарзондзинады ныхæстæ æмæ æнкъарæнтæ. Алчидæр сæ йæ цæстæнгасæй агуырдта йæ уарзон æнæбафæзмгæ мады мидбылбахудт.Мады ном хæссын æнцон нæу. Бирæ хъару радтын хъæуы сабийы хъомыладæн, цæмæй уыцы ном сæрбæрзондæй хæссай, уымæн. Ныййарæг, сывæллонæн хъуамæ уа дæнцæг, йæ дарддæры царды къахдзæфтæ кæнынæн ын уа алкæддæр дзырдуаты хуызæн, йæ алы фарстайæн дæр хъуамæ дзуапп радтынмæ уа цæттæ.